У 1872 годзе ў Брэсце пабудавана дэпо і майстэрні па абслугоўванні магістралі Масква-Брэст. З развіццём чыгуначнага вузла станцыі Брэст і ўводам у эксплуатацыю чыгуначных ліній Ковель–Брэст, Чарэмха–Высока-Літоўск–Брэст, Брэст–Уладава–Хелм, Жабінка-Пінск на станцыях Брэст-1 і Брэст-2 у 1895 годзе было пабудавана вагоннае дэпо.

У 1952 годзе вагонарамонтныя майстэрні  ў адпаведнасці з загадам кіраўніка Мінскай чыгункі былі перайменаваны ў вагоннае депо Брэст-Палескі.

Сёння Брэсцкае вагоннае дэпо значную ўвагу надае пытанням якасці і бяспекі руху, укараненню і аднаўленню сродкаў неразбуральнага кантролю.

Асноўныя напрамкі дзейнасці:

• капітальны рамонт грузавых вагонаў;
• дэпоўскі рамонт грузавых вагонаў і спецыяльнага рухомага саставу;
• дэпоўскі і капітальны рамонт грузавых вагонаў каляі 1520 мм для перавозкі небяспечных грузаў;
• перастаноўка на заходнееўрапейскую каляю і адваротна грузавых і пасажырскіх вагонаў, спецыяльнага рухомага саставу;
• тэхнічнае абслугоўванне і бягучы рамонт грузавых вагонаў;
• тэхнічнае абслугоўванне пасажырскіх вагонаў;
• дэпоўскі рамонт пасажырскіх цялежак;
• падрыхтоўка крытых вагонаў да суправаджэння народна-гаспадарчых грузаў;
• забеспячэнне рэфрыжэратарнага рухомага саставу вадой;
• прамыўка грузавых вагонаў;
• выраб дахаў грузавых вагонаў.